بروج، سورة: قرآن مجيد جي 85 هين سورة، جنهن ۾ 22 آيتون آهن. هيءَ سورة مڪي ۾ اسلام جي شروعاتي دؤر سان تعلق رکي ٿي، جنهن ۾ ستارن جي برجن کي مثال بڻائي ٻڌايو ويو آهي ته انهن جي روشني وانگر اسلام جي روشني به ڪفر جي اونداهيءَ کي ختم ڪندي. هن سورة ۾ ڪافرن جي ظلم جو انجام ٻڌايل آهي ۽ ايمان وارن کي تسلي ڏنل آهي ته جيڪڏهن هو هن ظلم جي دؤر ۾ ثابت قدم رهيا ته کين ان جو بهترين ثواب ملندو ۽ انهن ظالمن کان الله تعاليٰ بدلو وٺندو.